Москванинг Замоскворецкий судида сўнгги сўз билан чиқиш қилган Россия собиқ иқтисодий ривожланиш вазири Алексей Улюкаев Суқротдан иқтибос келтирди. Бу ҳақда «Газета.ru» хабар бермоқда.
«Кетиш муҳлати етди. Сиз учун яшаш, мен учун ўлим вақти келди», — деди собиқ вазир.
Шунингдек, Улюкаев ўзини айбдор санашини билдирди.
«Фақат прокурорлар зўр бериб тиқиштираётган мантиқсиз айбловларда эмас. Мамлакат учун жуда кам иш қилганимда айбдорман. Лавозимларни эгалладим, ўзимни ўтга-чўққа урдим, совғалар қилдим. Мени кечиринг, одамлар. Қолган умримни инсонларга ёрдам беришга бағишлайман», — изоҳ берди Улюкаев.
Изоҳ (0)