АҚШ президенти Дональд Трампнинг Қуддусни Исроил пойтахти сифатида тан олиш қарори атрофидагилар таъсири ва сайловолди ваъдасини бажариш истаги билан боғлиқ. Бу ҳақда ABC телеканали маълум қилди, дея хабар беради «ТАСС».
Телеканал журналистлари сўров ўтказган АҚШ етакчиси маслаҳатчиларига кўра, «қарор Трампнинг яқин атрофидаги қудратли иттифоқдошлари, жумладан, вице-президент Майкл Пенс ва республикачилар мега-донори Шелдон Адельсоннинг таъсирини акс эттиради».
Миллиардер Шелдон Адельсон Трамп билан барча суҳбатларида Вашингтон томонидан Қуддусни Исроил пойтахти сифатида тан олиниши масаласини кўтариб келган.
Трампнинг қарорини маслаҳатчиси ва куёви Жаред Кушнер, Вашингтон маъмуриятининг халқаро музокаралардаги вакили Жейсон Гринблатт қўллаб-қувватлаган.
Шунингдек, ҳозирда АҚШнинг Исроилдаги элчиси бўлган Дэвид Фридман ҳам бунга даъват этган.
Изоҳ (0)