Буюк Британия активларининг соф қиймати 2016 йил охирига келиб рекорд кўрсаткич — 9,8 триллион фунт стерлингни (13,2 триллион доллар) ташкил этди. Бу ҳақда мамлакат миллий статистика бошқармаси маълум қилди, дея хабар беради «Интерфакс».
Мазкур кўрсаткич ўтган йили 803 миллиард фунт ёки 8,9 фоизга ошди. Бу ҳисоб-китоблар юритилаётган вақтдан бери энг салмоқли ўсиш саналади.
Бунга Британия активларининг ярмисини ташкил этадиган ер майдонлари қимматлашуви (280 миллиард фунт ёки 5,9 фоиз) асосий сабаб эканлиги билдирилмоқда.
Ер майдонлари қиймати охирги 20 йил давомида 412 фоизга кўтарилиб кетди. Бу бошқа активлар ўсиш суръатларидан тахминан икки баробар зиёд эканлиги билдирилмоқда.
Изоҳ (0)