Buyuk Britaniya aktivlarining sof qiymati 2016-yil oxiriga kelib rekord ko‘rsatkich — 9,8 trillion funt sterlingni (13,2 trillion dollar) tashkil etdi. Bu haqda mamlakat milliy statistika boshqarmasi ma’lum qildi, deya xabar beradi “Interfaks”.
Mazkur ko‘rsatkich o‘tgan yili 803 milliard funt yoki 8,9 foizga oshdi. Bu hisob-kitoblar yuritilayotgan vaqtdan beri eng salmoqli o‘sish sanaladi.
Bunga Britaniya aktivlarining yarmisini tashkil etadigan yer maydonlari qimmatlashuvi (280 milliard funt yoki 5,9 foiz) asosiy sabab ekanligi bildirilmoqda.
Yer maydonlari qiymati oxirgi 20 yil davomida 412 foizga ko‘tarilib ketdi. Bu boshqa aktivlar o‘sish sur’atlaridan taxminan ikki barobar ziyod ekanligi bildirilmoqda.
Izoh (0)