Филиппин ҳукумати Франциянинг Sanofi фармацевтика корпорациясидан денге безгагига қарши дунёдаги илк вакцинанинг сезиларли даражада ножўя таъсири аниқлангач, уни қайтариб олишни талаб қилди. Бу ҳақда мамлакатнинг озиқ-овқат ва дори маҳсулотлари устидан назорат қилувчи бошқармасига асосланиб, «ТАСС» хабар бермоқда.
Хусусан, ташкилотда вакцинани реклама қилиш, тарқатиш ва сотишни тўхтатишга оид талабнома мавжуд.
Бундан ташқари, Филиппиндаги дорихоналар ва тиббий муассасаларга мазкур препаратнинг ножўя таъсири билан боғлиқ барча ҳолатлар ҳақида зудлик билан маълумот бериш талаби қўйилган.
Франциянинг фармацевтика компанияси препарат аввал бир неча марта денге безгаги билан оғриганлар учун мутлақ хавфсиз эканлигини таъкидлаган эди.
Филиппин ҳукуматининг маълум қилишича, ноябрь ўрталаригача олинган статистика бўйича 730 мингдан ортиқ бола вакцинанинг биринчи қисми билан эмланган. Мазкур препарат 12 ёшдан 45 ёшгача бўлган беморларга мўлжалланган. Эмлаш 12 ой мобайнида учта укол ёрдамида амалга оширилади.
Изоҳ (0)