Франция президенти Эммануэль Макрон АҚШ етакчиси Дональд Трамп билан телефон орқали мулоқотида америкаликлар Қуддусни Исроил пойтахти сифатида тан олишидан хавотир билдирди. Бу ҳақда Елисей саройи баёнотида маълум қилинди, дея хабар берди «РИА Новости».
«Франция президенти Қуддуснинг АҚШ томонидан бир томонлама Исроил пойтахти сифатида тан олиниш эҳтимолидан ташвиш билдирди. Эммануэль Макрон Қуддуснинг мақоми исроилликлар ва фаластинликлар ўртасидаги музокаралар доирасида белгиланиши лозимлигини эслатди», — дейилади баёнотда.
Макрон маъмурияти Париж тинчлик-осойишталикда ёнма-ён яшаётган икки мустақил давлат — Исроил ва Фаластин концепциясига содиқлигини тасдиқлади.
Эслатиб ўтамиз, олдинроқ The Wall Street Journal нашри Трамп яқин вақт ичида Қуддусни Исроил пойтахти деб расман тан олишни режалаштираётганини билдирганди.
Изоҳ (0)