Наманган вилоятининг Янгиқўрғон туманида 3 декабрь — Халқаро ногиронлар кунига бағишланган тадбир бўлиб ўтди. Бу ҳақда туман ҳокимлигининг ахборот хизмати маълум қилди.
Туман марказидаги «Эко-парк» кўнгилочар масканига 100 га яқин ногиронлиги бўлган киши таклиф этилди. Улар учун байрам дастурхони ёзилди.
Маросимда сўзга чиққанлар Ўзбекистон Президенти томонидан куни кеча қабул қилинган «Ногиронлиги бўлган шахсларни давлат томонидан қўллаб-қувватлаш тизимини тубдан такомиллаштириш чора-тадбирлари тўғрисида»ги фармон, унда кўзда тутилган қатор имтиёзлар ҳақида сўз юритди.
Тадбирда 26 нафар ногиронлиги бўлган шахсга аравачалар топширилди. Шунингдек, таклиф этилган меҳмонларнинг ҳар бирига туман ҳокимлиги, ҳомийлар томонидан совғалар тақдим этилди. Тадбирга келолмаганлар уйларида йўқланди.
Изоҳ (0)