ИИВ жиноят қидирув бош бошқармаси ва Тошкент шаҳар ИИББ йўл-ҳаракати хавфсизлиги бошқармаси ходимлари томонидан Юнусобод туманида жойлашган ЙҲХБга қарашли 2-диагностика станцияси ёнида ўтказилган тезкор тадбирда техник кўрикдан ўтганлик ҳақида муҳр қўйиш билан шуғулланиб келган шахслар аниқланди. Бу ҳақда ИИВ жамоатчилик ва ОАВ билан алоқалар бошқармаси маълум қилди.
1975 йилда туғилган А.Р. фуқаролардан 150000 сўмдан олиб, жиноий шериги, 1974 йилда туғилган, муқаддам судланган А.Д. билан биргаликда унинг хонадонида автотранспорт воситаларининг қайд этиш гувоҳномасига «техник соз» ёзувли қалбаки муҳр босиб, имзо қўйиш билан шуғулланиб келган.
Мазкур ҳолат юзасидан А.Р. ва А.Д. га нисбатан жиноят иши қўзғатилди.
Изоҳ (0)