15 ноябрь куни 2018 йилги Жаҳон Чемпионатида иштирок этувчи барча — 32 терма жамоа номи маълум бўлганди. Бугун — қишнинг илк кунида мундиалга қуръа ташлаш маросими бўлиб ўтади.
Қуръа маросими ЖЧ—2018 мезбони бўлган Россиянинг ўзида, Москва шаҳридаги Кремль саройида кечади. Унда футбол дунёсининг энг олди инсонлари қаторида Россия президенти Владимир Путиннинг ўзи ҳам иштирок этади. Умумий ҳисобда Кремль саройига 1300 дан зиёд меҳмонлар таклиф этилган.
Регламентга кўра, қуръа давомида 1 та қитъанинг икки жамоаси гуруҳ босқичидаёқ бир-бирига рақиб бўлмайди. Фақатгина Европа қитъаси термалари бундан мустасно. Шунда ҳам, 1 та гуруҳда Европанинг 2 тадан ортиқ вакили бўлишига йўл қўйилмайди.
Иштирокчи 32 мамлакат аллақачон саватчаларга бўлиб қўйилган. Маълумки, 1 та саватдан жой олган мамлакатлар гуруҳ босқичида бир-бири билан тўқнаш келмайди.
1-сават: Россия, Германия, Бразилия, Португалия, Аргентина, Бельгия, Польша, Франция;
2-сават: Испания, Перу, Швейцария, Англия, Колумбия, Мексика, Уругвай, Хорватия;
3-сават: Дания, Исландия, Коста-Рика, Швеция, Тунис, Миср, Сенегал, Эрон;
4-сават: Сербия, Нигерия, Австралия, Япония, Марокаш, Панама, Жанубий Корея, Саудия Арабистони.
Қуръа маросими Тошкент вақти билан 20:00 да бошланади.
Изоҳ (0)