АҚШнинг Спрингфилд шаҳрида тасодифий ўткинчилар полициячиларга бир эркакни ўз жонига қасд қилишдан қайтариб қолишга ёрдам берди, деб ёзади TJournal. Ҳуқуқ-тартибот органлари ходимлари қарийб 15 соат давомида эркакни томдан тушишга кўндиришга уринди.
Кўп қаватли бинонинг томига чиқиб олган эркак ҳақида полицияга 20 ноябрь куни кундузи қўнғироқ қилиб хабар беришди. Шу куни кун давомида полиция у билан мулоқотга киришишга ҳаракат қилди, жараён давомида кўчада одамлар ҳам тўплана бошлади.
Кечки вақтга келиб, бино ёнида бир неча ўнлаб кишилар йиғилиб қолди, улар қўшиқлар куйлаб, «Ҳаммаси яхши бўлади», «Бизга барибир эмас», «Сен муҳимсан» ва «Сен ёлғиз эмассан» каби илҳомлантирувчи гаплар ёзилган плакатларни кўтариб олди.
Кечаси 03:30 ларда эркак у учун махсус қўйилган ўт ўчирувчилар нарвони ёрдамида томдан тушди, уни касалхонага ётқизишди. У нима сабабдан ўзини томдан ташламоқчи бўлгани номаълум.
Изоҳ (0)