Япониянинг Токио университети олимлари аккумуляторларнинг ёниб кетиш муаммосига ечим топди, деб ёзади Hi-Tech Mail.Ru. Улар батареяларни ички ўт ўчиргич вазифасини бажарувчи электролит билан жиҳозлади.
Аккумуляторларнинг ёниб кетиши муаммоси Samsung Galaxy Note 7 смартфони чиқарилганидан кейин долзарб бўлиб кетди. Ишлаб чиқаришдаги майда оғишлар ҳам батареяларнинг бевосита фойдаланувчилар қўлида ёниб кетишига олиб кела бошлади. Бундан ташқари, ишлаб чиқарувчилар одатий ҳажмдаги аккумуляторга кўпроқ қувват солишга уринганида ёниб кетиш хавфи ошади.
Оддий аккумуляторларни ишлаб чиқаришда суюқ электролит ишлатилади. Агар худди шундай ёнмайдиган материал қўлланилса, батареянинг ёниб кетишига нуқта қўйиш мумкин. Аммо бундай электролитдан фойдаланиш батарея маҳсулдорлигини пасайтириши мумкин эди.
Олимлар ўз танловини ўзига хос «ўт ўчиргич» триметилфосфат органик эритувчида тўхтатди. Янги аккумуляторлар эксплуатацияда ўзларини яхши кўрсатди ва ҳатто қайта зарядлашнинг 1000 та циклидан кейин ҳам кўрсаткичларини сақлаб қолди.
Изоҳ (0)