АҚШнинг Йел университети талабаси Сахил Гупта биткоин криптовалютасининг яратилиши ортида ишбилармон Илон Маск турганини тахмин қилди. Гуптанинг сўзларига кўра, биткоин асосчиси деб ҳисобланадиган Сатоси Накамото тахаллуси ортида айнан ана шу тадбиркор яширинган. Бу ҳақда CryptocoinNews хабар берди.
Маскнинг SpaceX компаниясида ишлаган Гупта ўз назариясига бир нечта далиллар келтирган. Биринчидан, Маск бунинг учун техник имкониятларга эга. Биткоин C++ тилини усталик билан ишлата оладиган киши томонидан яратилган. Бу тил SpaceX томонидан кенг фойдаланилади.
Иккинчидан, Гупта Маскнинг глобал муаммоларни ечиш билан боғлиқ ҳаракатларини таъкидлаб ўтган. Биткоин 2008 йилда, дунё молиявий инқирозни бошдан ўтказаётган вақтда пайдо бўлган, банкларга ишонч энг паст даражага тушган. Гуптанинг фикрича, биткоин муаллифлари анъанавий банк тизимининг ўрнини босувчи тизим яратишни хоҳлаган.
Учинчидан, Маск амалда ҳеч қачон биткоин ҳақида гапирмайди ва унда криптовалюта йўқлигини айтади. Талабанинг фикрича, Сатосининг ҳисобидаги қиймати саккиз миллиард долларни ташкил қиладиган биткоинлар Маскка тегишли бўлиб, тадбиркор улардан фойдаланмайди, чунки бунга эҳтиёж йўқ.
Шу билан бир вақтда, қарши назария ва даллиллар ҳам мавжуд. Хусусан, 2008 йил Маск учун оғир йил бўлган ҳамда унда криптовалютани яратиш учун вақт ва куч бўлмаган.
Изоҳ (0)