Электр автомобилларни ишлаб чиқарувчи Tesla компаниянинг дунёдаги иккинчи йирик электр қувватлаш шохобчасини ишга туширди. У Шанхай марказидаги шохобча билан бир хил ва бир вақтда 50 та машинани қувватлай олади. Бу ҳақда «ТАСС» хабар берди.
Tesla вакилларининг таъкидлашича, бир ой ичида иккита бундай йирик объектнинг ишга туширилиши компаниянинг хитой бозорига қизиқишини ва унинг автомобиль ишлаб чиқариш бўйича стратегик режаларининг устувор ҳолатини кўрсатади. Айни вақтда Tesla Хитойнинг 170 та шаҳрида 800 та қувватлаш шохобчасини қурган. Жорий йилнинг охиригача бу кўрсаткичнинг 1000 тага чиқиши кутилмоқда.
Хитой компаниянинг асосий бозорларидан бири ҳисобланади. Жорий йилнинг учинчи чорагида ХХРдаги савдо 79 фоизга ўсган ва йиллик ҳисобда 563 миллион долларга етган. Ишлаб чиқарувчининг қайд этишича, бу компания томонидан дунё бўйича олинган тўғридан-тўғри даромаднинг бешдан бир қисмини ташкил қилади.
Изоҳ (0)