Покистоннинг Карачи шаҳрида полициячилар келин-куёвнинг ўлдириб кетилишига алоқадор бўлган ўн кишини қўлга олди, деб ёзади The Independent.
Терговчилар айтиб беришича, 24 ёшли Абдул Ҳодий ва 19 ёшли Ҳасина Биби ота-оналарининг рухсати ва оқ фотиҳасисиз турмуш қургани учун қариндошлари томонидан ўлдирилган.
Жиноятни амалга оширишда гумонланиб, йигитнинг отаси ва иккала оиланинг тўққиз нафар бошқа аъзолари ҳибсга олинди. Сўроқ чоғида эркаклар келин-куёвни анъаналарни бузгани ва ҳақоратлагани учун қабила кенгашининг буйруғи билан пичоқлаб ўлдирганига иқрор бўлди.
Изоҳ (0)