Россия президенти Владимир Путин Ўзбекистон халқ артисти Галина Мельникова ва бошқа чет эл фуқароларини Дўстлик ордени билан тақдирлаш тўғрисида фармон имзолади, деб ёзади «1news.uz».
Ҳужжатга мувофиқ, Ўзбекистондаги «Меҳржон» хайрия жамғармаси васийлик кенгаши аъзоси Галина Мельникова «халқлар ўртасидаги дўстлик ва ҳамкорликни мустаҳкамлашга қўшган ҳиссаси, халқлар маданиятларини яқинлаштириш ва ўзаро бойитиш бўйича самарали фаолияти учун» тақдирланди.
Шунингдек, Дўстлик ордени Британиянинг «Чик бай Жруд» театри директори Доннеллан Декланга, Франциянинг Курси шаҳри мэри Мартин Жоллига, Италиянинг Россиядаги фавқулодда ва мухтор элчиси Чезаре Мария Рагальини ва бошқаларга берилди.
Изоҳ (0)