Аргентинадаги Калета-Оливия шаҳри судьяси Марта Яньес мамлакат мудофаа вазири Оскар Агуадни San Juan сув ости кемаси ғойиб бўлиши иши бўйича гувоҳ сифатида кўрсатма беришга чақирди. Бу ҳақда «ТАСС» хабар бермоқда.
Todo Noticias телеканалига кўра, вазир, жумладан, қидирув операциясининг бориши ва кема экипажи маълум қилган носозликлар ҳақидаги саволларга жавоб бериши керак бўлади. Агуаднинг кўрсатмалари ёзма ҳолатда бўлиши кутилмоқда.
Судья Марта Яньес олиб бораётган текширув сув ости кемасини қидириш бошланганидан сўнг Аргентина ҳарбий-денгиз кучлари судга берилган ариза асосида бошланди. Ҳозирча мазкур ишда айбланувчи ёки гумонланувчилар йўқ.
Изоҳ (0)