Россиянинг Су-30 қирувчиси 25 ноябрь, шанба куни Қора денгиз осмонида АҚШнинг P-8 Poseidon патруль самолётини тўхтатиб қолган. Бу ҳақда CNN АҚШ мудофаа вазирлиги вакили Мишель Балданзуга таяниб хабар берди, деб ёзади «ТАСС».
«АҚШ самолёти халқаро ҳаво ҳудудида ҳаракатланиб, Россия қирувчиси экипажини гиж-гижлайдиган ҳеч нарса қилмаган эди», — деди Пентагон расмий вакили.
Унинг сўзларига кўра, Америка томони бундай тўхтатиб қолишни хавфсиз эмас деб ҳисоблайди, чунки Су-30 P-8 Poseidon’нинг нақ қаршисидан учиб ўтган, натижада у «жуда кучли турбулентлик»ка олиб келган кескин манёврни амалга оширишга мажбур қолган. Су-30 нинг «хавфсиз бўлмаган ҳаракатлари» иккала самолёт экипажлари аъзоларининг «жиддий шикастланишлари»га сабаб бўлиши мумкин эди, деди Балданза.
Изоҳ (0)