АҚШ Суриядаги Ат-Танфада 50 мингдан ортиқ кишини халқаро гуманитар ёрдамдан ажратиб қўйди. Бу ҳақда Суриядаги урушувчи томонларни яраштириш бўйича марказ раҳбари Сергей Кураленкога таяниб, «РИА Новости» хабар берди.
Унинг сўзларига кўра, АҚШ ўз базаси атрофидаги 55 километрли ҳудудни ёпиб қўйган ва одамларни гуманитар ёрдамдан ажратиб қўйган.
Бу ҳудудда жойлашган «Ар-Рукбан» қочоқлар лагеридаги одамлар маҳсулотлар, шунингдек, малакали тиббий ёрдам ола олмаяпти, болалар эса мактабга бормаяпти.
Аввал ўтказилган маслаҳатлашувларга қарамасдан, ҳанузгача халқаро ташкилотларга қочоқлар лагерига гуманитар ёрдам етказиб бериш учун йўл очилмаган.
Россия 20 ноябрда Ат-Танфадаги АҚШ қўмондонлигига қочоқларга инсонпарварлик ёрдамини етказиш бўйича хавфсизликни ҳамкорликда таъминлашни таклиф қилган. 22 ноябрда АҚШ бошчилигидаги коалиция ёрдамга тайёрлигини, бироқ Сурия ҳукуматининг конвойни ўтказишга тайёрлиги ҳақида тасдиғини олмаганини маълум қилган.
Изоҳ (0)