Индонезиянинг Бали курорт оролидаги халқаро аэропортда уйига учиб кета олмаган 60 минг турист рейслар қайталанишини кутиб турибди. Бу ҳақда 27 ноябрь куни аэропорт расмий вакили баёнот берди, деб хабар қилади «Корреспондент.net».
Аэропорт Агунг вулқони отилиши туфайли эрталабдан ёпилган эди. Барча рейслар учун 24 соатлик танаффус эълон қилинди. Шу пайтгача 445 рейс қолдирилди. Самолётлар Балига етиб бормай, Жакарта, Сингапур ва бошқа шаҳарлар аэропортларига йўл олмоқда.
Агунг вулқони отилишида ҳосил бўлган кул қатлами аэропорт осмонини қоплагани боис уни ёпишга қарор қилинган эди.
Муқаддам хабар қилинганидек, Индонезия ҳукумати Агунг вулқонига энг юқори хавфлилик мақомини берди.
Изоҳ (0)