ИШИД Синайдаги Ар-Рауд масжидига ҳужум қилишидан қарийб бир йил аввал ярим орол шимолидаги айнан шу масжидни портлатиб юбориш билан таҳдид қилган, деб ёзади «ТАСС» Al Arabiya телеканалига таяниб.
ИШИД матбуот органида ўтган йил декабри бошидаёқ ўзини ИШИДнинг Синайдаги ячейкаси деб эълон қилган «Вилайет Сина» («Синай вилояти») гуруҳи жангариларидан бири Ар-Рауд масжиди радикалларнинг бевосита нишонларидан бири эканлигини айтган. Ўшанда у Синай шимолидаги, сўфийлик издошлари орасида машҳур бўлган мақбара ва масжидларга ҳужум уюштириш ниятлари ҳақида эълон қилган эди. Улар орасида у Бир ал-Обод аҳоли пунктидаги Ар-Рауд масжидини ҳам тилга олган.
Сўнгги маълумотларга кўра, Синай шимолидаги Бир ал-Обид шаҳридаги масжидга террорчилар томонидан амалга оширилган ҳужум оқибатида 305 киши ҳалок бўлган. Миср расмийларига кўра, ҳужумга алоқадор барча жангарилар йўқ қилинган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)