Доғистоннинг Қизилюрт туманида полициячиларга қуролли ҳужум уюштирилди. Бу ҳақда «Коммерсант.ru» хабар бермоқда.
Воқеа вокзал олдидаги майдонда 26 ноябрь куни рўй берди. Номаълум шахс полициячига пичоқ билан бир неча марта зарба берди. Ярадорнинг хизматдоши жиноятчини қўлга олишга муваффақ бўлди. У тўппончадан ҳавога ўқ узди, сўнг жиноятчини яралади. Икки жабрланувчи ҳам шифохонага ётқизилди.
Ҳужум уюштирган кишининг шахси аниқланди. У шу туманнинг Чонтаул қишлоғида истиқомат қилувчи, 1988 йили туғилган Залим Умаев бўлиб чиқди. Муқаддам унинг уйида тинтув ўтказилган, у ердан граната ва ўқ-дори топилган эди.
Изоҳ (0)