Россия Давлат думаси мамлакат ҳудудида вақтинчалик меҳнат фаолиятини амалга ошириш учун Ўзбекистон фуқароларини уюшган ҳолда танлаш ва жалб этиш бўйича Россия—Ўзбекистон ҳукуматлараро келишувини ратификация қилди. Бу ҳақда UZ24 хабар бермоқда.
Мазкур келишув 5 апрель куни Москвада имзоланганди.
Ҳужжат Россияда ишловчи ўзбекистонлик меҳнат муҳожирларининг асосий ҳуқуқларини белгилаб беради. Жумладан, уларнинг меҳнат, дам олиш ва ижтимоий суғурта ҳуқуқи (мажбурий тиббий суғуртадан ташқари), Россия қонунчилигига биноан пенсия таъминоти, шунингдек, мутасадди органлардан мамлакатда бўлиб туриш шарт-шароитлари ҳақида маълумот олинишини кўзда тутади.
Унинг лойиҳасига изоҳда келишув Россия Федерацияси томонидан имзоланган хорижий фуқароларни мамлакат ҳудудида меҳнат фаолиятини амалга ошириш учун уюшган ҳолда танлаш ва жалб этиш бўйича илк халқаро ҳужжат эканлиги таъкидланган.
Изоҳ (0)