АҚШ президенти Дональд Трамп Туркия президенти Ражаб Тоййиб Эрдўғон билан телефон орқали суҳбатлашиб, уни Америка қуролларини Сурия курдларига етказиб бериш тўхтатилишига ишонтирди. Бу ҳақда Туркия ташқи ишлар вазири Мавлут Чавушоғлу Анқарада бўлиб ўтган матбуот анжуманида маълум қилди, деб хабар берди «Корреспондент.net».
«Дональд Трамп телефон суҳбати чоғида президент Эрдўғонни YPG’га ҳарбий ёрдам кўрсатишни тўхтатиш борасида аниқ кўрсатма бергани ҳақида ишонтирди. Унинг сўзларига кўра, ушбу аҳмоқгарчиликка анча аввал барҳам бериш керак бўлган. Биз ушбу қарордан мамнунмиз ва унинг амалга оширилишини кузатиб борамиз», — дея таъкидлади Чавушоғлу.
Олдинроқ Оқ уй Трамп ва Эрдўғон террорчиларга қарши биргаликда курашиш борасида янги келишувларга эришгани, раҳбарлар Туркиянинг АҚШ ҳарбий техникасини сотиб олиш имкониятларини муҳокама қилганини хабар берганди.
Изоҳ (0)