Мисрда Синай яриморолидаги масжидда юз берган теракт қурбонлари хотираси учун ёдгорлик қурилади. Бу ҳақда, Миср президенти Абдулфаттоҳ ас-Сисийнинг тегишли фармойишига асосланиб, «РИА Новости» хабар бермоқда.
Ёдгорлик қачон ва қаерга ўрнатилиши ҳақида кейинроқ батафсил ахборот берилиши айтилмоқда.
Шунингдек, Миср президенти портлаш оқибатида ҳалок бўлганларнинг оилалари учун 11 минг доллардан компенсация пули ажратиш ҳақида кўрсатма берган.
Сўнгги маълумотларга кўра, Синай шимолидаги Бир ал-Обид шаҳридаги масжидга террорчилар томонидан амалга оширилган ҳужум оқибатида 305 киши ҳалок бўлган. Миср расмийларига кўра, ҳужумга алоқадор барча жангарилар йўқ қилинган.
Аввалроқ, мазкур теракт оқибатида кўплаб одамлар ҳалок бўлгани муносабати билан Ўзбекистон Президенти Шавкат Мирзиёев мисрлик ҳамкасбига ҳамдардлик билдиргани ҳақида хабар берилган эди.
Изоҳ (0)