Дональд Трамп штабининг собиқ раҳбари Пол Манафорт Москвага сўнгги йилларда 18 марта келиб-кетган. Бу ҳақда McClutchy нашри Киевдаги манбасига таяниб хабар берди, деб ёзади «Газета.ru».
Унинг маълумотларига кўра, бир пайтлар Украина президенти Виктор Янукович қўл остида ҳам ишлаган Манафорт 2005 ва 2006 йилда Москвага 11 марта, 2008 йилда — уч марта, 2009 йилда — икки марта, 2010 ва 2011 йилларда бир мартадан ташриф буюрган.
Ўз ташрифлари чоғида Манафорт, гўёки, Кремлга боғлиқ шахслар билан алоқада бўлган.
Бундан ташқари, 2014 йил февралидан у Украинанинг «Мухолифат блоки» партияси билан ҳамкорлик қилган ва сўнгги 20 ой ичида Киевга 19 марта келган. Манафорт, шунингдек, партияга НАТОга қарши позицияни эгаллашни таклиф қилган.
Нашр хулоса қилишича, Манафортнинг Россия тарафдорлари билан алоқаси «тахмин этилганидан кўра чуқурроқ бўлиб чиққан», унинг Москвага қўниб ўтишлари эса америкалик терговчилар учун қизиқ бўлиши мумкин. Шунга қарамай, Трамп штаби собиқ раҳбарининг вакили унга қаратилган айбловларни рад этди ва Манафорт ҳеч қачон Россия ҳукуматига ишламаганлигини айтди.
Изоҳ (0)