Тошкент шаҳар ҳокимининг тегишли қарорига асосан, 10 ноябрдан эътиборан ижтимоий соҳа объектларида, 12 ноябрдан бошлаб кўп қаватли уйларда иссиқлик таъминоти ишга туширилди, деб хабар беради ЎзА.
Бугунга қадар 1600 дан зиёд кўп қаватли уйнинг фасади, 7400 дан ортиқ кириш йўлаги таъмирдан чиқарилди, 445 янги болалар майдончаси қурилди. Шунингдек, кўп қаватли уйлар олди йўлакларини бетон қоришмаси билан таъмирлаш бўйича жами 500 минг квадрат метрга яқин ҳажмдаги иш якунига етказилди. Бунинг учун имтиёзли равишда 11,3 минг тонна цемент ажратилди.
Пойтахт аҳолиси маиший турмуш шароитини яхшилаш ҳамда тасдиқланган дастурлар ижросини таъминлаш юзасидан ХУЖМШ хизмат кўрсатаётган кўп қаватли уй-жойларга 318,5 миллиард сўм кредит маблағи ажратилган.
Тошкентда иссиқлик таъминоти сифатини яхшилаш мақсадида 23 иссиқлик қозони мукаммал, 633 таси жорий таъмирланди. Ичимлик суви ва оқова сув тармоқлари ҳолати яхшиланди, 16,9 километр газ узатиш тармоғи профилактик, 305,6 километр электр тармоғи мукаммал, 801 километри эса жорий таъмирдан чиқарилди.
Маълумот учун, Тошкент шаҳрида 9370 дан зиёд кўп қаватли уй, 2378 хусусий уй-жой мулкдорлари ширкати, 39 олий ўқув юрти, 327 мактаб, 546 мактабгача таълим муассасаси, 80 оилавий поликлиника, 32 шифохона мавжуд.
Изоҳ (0)