20 ноябрь куни ЮНИСЕФнинг Ўзбекистондаги ваколатхонаси раҳбари Саша Грауманн ва Ўзбекистон Республикаси Бандлик ва меҳнат муносабатлари вазири Актам Хаитов билан учрашди. Бу ҳақда ЮНИСЕФнинг Ўзбекистондаги ваколатхонаси матбуот хизмати хабар бермоқда.
Учрашувда ижтимоий ҳимоя бўйича сиёсатни янада такомиллаштириш ҳамда тизимда амалга оширилаётган ислоҳотларда ЮНИСЕФ томонидан кўрсатиладиган ёрдам масалалари муҳокама қилинди.
Саша Грауманн ҳукуматнинг ижтимоий нафақалар учун белгиланган мақсадли мезонларни қайта кўриб чиқиш, кам таъминланган оилалар ҳолатини яхшилаш бўйича комплекс ёндашувларни ишлаб чиқиш ҳамда ижтимоий ёрдам дастурларинининг бошқарув ахборот тизимларини (ягона реестрни) яратишдаги саъй-ҳаракатларини ЮНИСЕФ томонидан қўллаб-қувватланишини қайд этди.
Саша Грауманн вазирлик ва ЮНИСЕФ ўртасида ижтимоий ҳимоя тизимини мустаҳкамлаш, ногиронлиги бўлган инсонлар, жумладан бундай болаларнинг ҳуқуқларини таъминлашда самарали ҳамкорлик ўрнатилганини таъкидлади.
Изоҳ (0)