Самарқанд шаҳрида автомобиллар оқими кўпайгани ва йўллардаги кўпсонли тиқинларни инобатга олиб, Гулобод, Бўстонсарой, Ибн Сино ва Воҳид Абдулла кўчаларини кенгайтириш ишлари олиб борилмоқда. Бу ҳақда STV телеканали хабар берди.
Ободонлаштириш ишлари якунланганидан сўнг кўчалар замонавий қиёфага киради. Халқаро аэропорт йўналишида эса 8 полосали йўл бўлиши кўзда тутилган. Унинг икки томони 16 метрга кенгайтирилади ва эни 32 метрли йўлга айланади. Йўллар уларнинг ўртасидаги бетон тўсиқлар ўлчамини кичрайтириш ҳисобига ҳам кенгайтирилмоқда.
Лойиҳада Гулобод кўчасини кенгайтириш ва Самарқанд кўчаси билан туташтириш режалаштирилган. Бу шаҳарнинг марказий қисмида транспорт оқимини сезиларли даражада камайтириш имконини беради.
Шунингдек, Мирзо Улуғбек ва Гагарин ҳамда Рўдакий ва Бўстонсарой кўчалари чорраҳаларида икки йўлўтказгич қурилади. Деҳқонобод кўчасида эса замонавий кўпқаватли уйлар қад ростлайди.
Изоҳ (0)