Ўзбекистонда Президент Шавкат Мирзиёевнинг 2017 йил 21 ноябрдаги қарори билан «Мард ўғлон» давлат мукофоти таъсис этилди. Бу ҳақда Адлия вазирлигининг Telegram’даги «Ҳуқуқий ахборот» канали хабар берди.
Хабар беришларича, мукофот ҳар йили Ёшлар куни (30 июнь) арафасида Қорақалпоғистон Республикаси, вилоятлар ва Тошкент шаҳрининг 2 нафардан вакилларига топширилади.
Ушбу давлат мукофоти билан тақдирлаш, худди иқтидорли қизлар учун мўлжалланган Зулфия номли давлат мукофоти билан тақдирлашда бўлгани каби, Президент қарори билан амалга оширилади.
Мазкур давлат мукофотини олганлар олий таълим муассасаларининг бакалавр босқичига, агар мукофотланган шахс олий ўқув юрти талабаси ёки бакалавр даражасига эга бўлса — магистратура босқичига имтиҳонларсиз давлат гранти асосида қабул қилинади.
Изоҳ (0)