Навоий вилоятида ўтказилган хатлов натижасида 129 та аввал хусусийлаштирилган ва бўш турган объектлар аниқланди, деб хабар бермоқда Давлат рақобат қўмитаси ахборот хизмати.
Бугунги кунда вилоятдаги бўш турган объектларнинг 103 таси негизида инвестиция лойиҳалари ишлаб чиқилган бўлиб, ушбу лойиҳалар бўш турган корхоналарни фаолиятини тикланишига туртки бўлмоқда.
Мазкур лойиҳаларни амалга ошириш доирасида 255,6 миллиард сўмлик инвестициялар ўзлаштирилиши ва 1831 та янги иш ўринлари яратилиши кўзда тутилган.
Бугунги кунга қадар вилоятда 35 та корхона фаолияти қайта тикланиб, 342 та қўшимча иш ўринлари яратилди. Мазкур корхоналарни ишга тушириш учун 146 миллиард сўмлик сармоялар киритилди.
Жумладан, Кармана туманида жойлашган «Электрокимёзавод» АЖ қўшма корхонасининг бўш турган биноси негизида 200 миллион сўм миқдорида киритилган сармояси эвазига сулфид натрий (кукунсифат) маҳсулотини ишлаб чиқариш йўлга қўйилди. Бунда 12 та янги иш ўринлари яратилди. Ушбу корхона йилига 500 тонна маҳсулот ишлаб чиқариш қувватига эга.
Изоҳ (0)