«Ўзбекенгилсаноат» АЖ Жанубий Кореянинг Youngone Corporation раҳбарлари билан учрашув ўтказди. Бу ҳақда Ўзбекистон Республикаси Президентининг Корея Республикасига давлат ташрифини ёритиш бўйича махсус матбуот маркази хабар берди.
Youngone Corporation бир йил давомида 2 миллиард доллар миқдоридаги бренд маҳсулотларни ишлаб чиқаради ҳамда бугунги кунда Бангладеш, Вьетнам, Хитой, Сан-Сальвадордаги ишлаб чиқариш корхоналари орқали 90 миллиондан ортиқ кишини иш билан таъминлаган.
Учрашув доирасида Тошкент вилояти Бўка туманида рангчилик ва тикувчилик ишлаб чиқариш корхонасини қуриш борасида лойиҳани, Самарқанддаги дизайнерлик ўқув маркази билан тикувчилик маҳсулотларини ишлаб чиқариш ҳамда Самарқанд шаҳридаги «Эл мероси» маданият марказининг фаолиятидаги ижтимоий лойиҳаларни амалга оширилишини қўллаб-қувватлаш борасида шартномалар имзоланди.
Youngone Corporation компанияси томонидан Ўзбекистонга жалб қилинадиган тўғридан-тўғри инвестицияларнинг умумий миқдори 20 миллион долларни ташкил қилади.
Изоҳ (0)