Қирғизистон президенти Алмазбек Атамбаев ўзбекистонлик хонанда, бастакор, «Ялла» гуруҳи раҳбари Фаррух Зокировни «Дўстуқ» («Дўстлик») ордени билан тақдирлади. Бу ҳақда «Новости Узбекистана» хабар бермоқда.
Қирғизистон раҳбарининг тегишли фармонида Фаррух Зокиров Ўзбекистон ва Қирғизистон халқларининг дўстлиги мустаҳкамланишига қўшган ҳиссаси ҳамда кўп йиллик ижодий фаолияти учун тақдирлангани таъкидлаб ўтилди.
Фаррух Зокиров 1976 йилдан буён «Ялла» ансамбли етакчиси бўлган ва шу гуруҳ таркибида Ўзбекистонда ва бошқа давлатларда умумхалқ эътирофига сазовор бўлган. Ансамбль бугунги кунга қадар жуда машҳур бўлиб, Россия, Қозоғистон, Қирғизистон, Грузия, АҚШ, Исроил ва Украинага гастроль сафарлари уюштиради.
1996 йили Фаррух Зокиров Қирғизистон халқ артисти унвонини олган эди.
Изоҳ (0)