АҚШдаги маоши 100 минг доллардан юқори 20 та мутахассислик рўйхати эълон қилинди

USA Today нашри Indeed компаниясининг АҚШдаги 100 минг доллардан юқори ҳақ тўланадиган 20 та мутахассислик жамланган ҳисоботини эълон қилди. Бу ҳақда Forum Daily хабар бермоқда.

Рўйхатдаги катта маош тўланадиган вакансияларнинг аксарияти соғлиқни сақлаш ва технологиялар соҳасига тегишли. Жумладан, рейтингнинг энг юқорисидан невролог ва психиатр касблари ўрин олган.

«Бу лавозимларни эгаллаш осон эмас, юксак малака талаб этилади. Масалан, шифокор ўқиш учун ўртача 14 йил сарфлайди. Технологиялар соҳасида яхши ҳақ тўланади, бироқ бу ишга даъвогарлик қилиш учун ҳам олий маълумот талаб этилади», — дейилади ҳисоботда.

Маоши 100 минг долларда юқори 20 та касб рўйхати:

Невролог — 217 837 доллар;

Психиатр — 194 563 доллар;

Анестезиолог — 173 694 доллар;

Радиолог — 168 706 доллар;

Терапевт — 165 391 доллар;

Стоматолог — 157 250 доллар;

Маҳсулотларни сотиш бўйича директор — 147 363 доллар;

Хирург — 140 892 доллар;

Машина ўқуви алгоритмларини ишлаб чиқувчи муҳандис — 137 332 доллар;

Сотувлар бўйича вице-президент — 136 071 доллар;

Маълумотларни таҳлил қилиш ва қайта ишлаш бўйича мутахассис — 135 315 доллар;

Молиявий директор — 127 887 доллар;

Android ишлаб чиқувчиси — 120 971 доллар;

Катта муҳандис-ишлаб чиқувчи — 119 791 доллар;

Дастурлар ишлаб чиқувчи — 111 709 доллар;

Актуарий (суғурта ҳисоб-китоблари мутахассиси) — 111 474;

Солиқ менежери — 108 515 доллар;

Бизнесни ривожлантириш бўйича директор — 107 789 доллар;

Меъмор — 104 080 доллар;

Амалиётчи ҳамшира — 103 233 доллар.