Хитойлик талаба 46 килограмм олтинни 1,6 миллон долларга алмаштириш учун Японияга келди. У ўз дўсти билан пул солинган чамадонни олиб, заргарлик дўконидан чиққач, уларни полиция кийимидаги уч киши тўхтатган. Шундан сўнг ҳуқуқ-тартибот ходимлари пуллар солинган сумкани мусодара қилиб, воқеа жойидан яширинган, деб ёзмоқда TJournal.
Кейинроқ маълум бўлишича, пулларни ҳақиқий полициячилар эмас, балки уларнинг кийимидаги номаълум шахслар олиб кетган. Япониянинг ҳуқуқни муҳофаза қилувчи органлари жиноий иш қўзғаган ва гумонланувчиларни изламоқда. Бироқ япон полициячиларини хитойлик талабанинг шунча олтинни қаердан олгани қизиқтирмоқда.
Таъкидланишича, Японияда жиноий гуруҳлар томонидан олтинга талаб кўп ва ноқонуний йўллар билан мамлакатга олиб кирилади. Бундан ташқари, мамлакатда олтин савдоси учун беш фоиздан саккиз фоизгача бўлган солиқ мавжуд. Хитойда бундай солиқ йўқ. Шунинг учун олтинни Хитойдан солиқсиз сотиб олиш ва Японияда сотиш яхшигина даромад ишлаб олишга имкон беради.
Изоҳ (0)