Тожикистон ҳуқуқ-тартибот идоралари рус ҳамкасбларига ИШИД террорчилари сафида жанг қилган Россия Мудофаа вазирлигининг собиқ капитанини топширди, деб хабар берди Meduza.
Хисамовнинг экстрадицияси ҳақида Тожикистон ИИВ матбуот-хизмати раҳбари Умаржон Эмомали маълум қилди.
«Россия ҳуқуқ-тартибот идораларининг вакиллари белгиланган тартибда уни республикадан олиб чиқиб кетди», — деди Эмомали.
Денис Хисамов Туркияда ИШИД томонидан жанговар ҳаракатларда иштирок этганликда гумонланиб қўлга олинган. Унинг ёнидан Тожикистон паспорти топилгани сабаб (паспорт қалбаки бўлган), у айнан шу мамлакатга жўнатиб юборилган. Хисамов қўлга олингач, Тожикистон ҳукумати уни Россия томонига топширишга тайёр эканлигини маълум қилган.
Хисамов — Краснодар фуқароси бўлиб, 2004—2009 йилларда Россия Мудофаа вазирлигида капитан лавозимига қадар хизмат қилган. У ушбу идорада шахсий маълумотлар ва яширин алоқа тизими ҳимояси билан шуғулланган. Хисамов бир неча ўнлаб илмий ишларини эълон қилган ва номзодлик диссертациясини ҳимоялаган.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.
Изоҳ (0)