Зимбабве собиқ вице-президенти, мамлакатнинг «ағдарилган» раҳбари Роберт Мугабенинг ўрнини эгаллаши мумкин бўлган одамлардан бири — Эммерсон Мнангагва ўз ҳаётидан хавфсирагани сабаб қочиб кетди, деб хабар берди News Day.
«Жаноби олийлари Роберт Габриэль Мугабе доимо қачонки одамлар ўзининг кетишини хоҳласа, раҳбарликни тарк этишини гапирарди. Эндиликда у халқнинг иродасини қабул қилиши ва ҳукуматдан чекиниши керак», — деди Мнангагва.
Сиёсатчининг сўзларига кўра, унга таҳдид қилишган. Мнангагва Мугабе билан музокаралар ўтказаётганини, бироқ диалог тўлақонли импичмент ўрнини боса олмаслигини ва президентга бошқа ишонмаслигини маълум қилди. «Ҳеч қачон мамлакат ‘мақсади — миллатга зарар етказаётганига қарамай ҳокимият тепасида бўлиш’ бўлган бир одамнинг асирига айланмаслиги керак», — дея таъкидлади у.
Мнангагва ҳукмрон партия — Зимбабве Африка миллий иттифоқи раҳбари томонидан 19-ноябрда тайинланган. Мугабе 16 ноябрь куни истеъфога чиқишдан бош тортиб, ҳукмрон партия етакчиси учун сайлов ўтказишни таклиф қилди. Мамлакат раҳбарининг сўзларига кўра, у фақатгина партия етакчилиги сайловида мағлубиятга учраса кетишини, унгача «ягона қонуний раҳбар» ўзи эканлигини маълум қилди.
Эслатиб ўтамиз, 14 ноябрь куни қуролланган солдатлар Зимбабве пойтахти Харареда давлат тўнтаришини амалга оширган эди.
Изоҳ (0)