Андижон вилоятида жорий йилнинг 18 ноябрь куни «17 ноябрь – Бутунжаҳон талабалар куни» ҳамда «18 ноябрь – Ўзбекистон Республикаси Давлат байроғи қабул қилинган кун» муносабати билан вилоят миқёсида бир нечта оммавий-маданий тадбирлар ташкил қилинди.
Андижон вилояти ҳокимлиги, вилоят ИИБ, МК «Ватанпарвар» ташкилоти вилоят Кенгаши, вилоят касаба уюшмалалри федерациялари бирлашмаси, «Либерал демократик партияси» вилоят Кенгаши ўзаро ҳамкорликда Ўзбекистон Республикаси Давлат байроғи қабул қилинганлигининг йигирма олти йиллигига бағишлаб махсус автокарвон ва оммавий марафон тадбирлари ўтказилди.
Дастлаб соат 08:00 да Андижон шаҳридаги Хотира хиёбонидан 15 та енгил автомашиналар байроқлар билан жиҳозланган ҳолда шаҳар ҳудуди бўйлаб автокарвон сафарини амалга оширди.
Ушбу автомашиналар карвони шаҳар ҳудудида қарийб икки соат мобайнида айланиб, тарғибот ва ташвиқот ишларини олиб борди.
Шундан сўнг, соат 10:00 да Андижон—Асака йўналишидаги катта трассада вилоятдаги умумтаълим мактаблари, касб-ҳунар коллежалари ва академик лицейлар, шунингдек олий ўқув юртлари талабалари ўртасида 1000 метрга югуриш бўйича марафон ўтказилди.
Марафон иштирокчилари ўғил болалар ва қиз болалар ўртасида аниқланиб, улардан фахрли 1, 2, 3- ўринни олганлари ташаббускор ташкилотларнинг қимматбаҳо совғалари ва вилоят ҳокимлигининг дипломи билан тақдирланди.
Шу куни байрам муносабати билан Андижон қишлоқ хўжалиги институтида вилоятдаги олий ўқув юртлари талабалари иштирокида ҳам қувноқлар ва зукколар кўрик танлови ўтказилди ва ушбу байрам вилоятда кечгача давом этди.
Изоҳ (0)