«Ўзбекэнерго», «Энергия тежаш миллий компанияси» ва Siemens Gamesa компаниялари Ўзбекистонда шамол энергетикаси бўйича қуввати 100 мегаватт бўлган лойиҳани амалга ошириш бўйича меморандум имзолади. Бу ҳақда «Spot.uz» хабар бермоқда.
Ушбу пилот лойиҳа Ўзбекистоннинг шамол энергетикаси бўйича улкан салоҳиятини ўзлаштириш ва мамлакат энерготизимига қайта тикланувчи энергия манбаларини татбиқ этишни бошлаб бериши кўзда тутилган.
«Spot.uz»нинг қайд этишича, Siemens Gamesa Германиянинг Siemens ва Испаниянинг Gamesa компаниялари ўртасида ташкил этилган қўшма корхона бўлиб, шамол турбиналарини ишлаб чиқариш бўйича жаҳон бўйича етакчи ҳисобланади.
Хабар беришларича, компания 2016 йил якунларига кўра 4,6 миллиард евро даромад олган бўлиб, соф фойда 95 миллион еврони ташкил этган.
Изоҳ (0)