Wal-Mart компаниясининг бошқарув акциялари пакетига эгалик қилувчи Уолтон оиласининг умумий бойлиги 16 ноябрь, пайшанба куни салкам 14 миллиард долларга ортди, деб хабар берди Forbes.
Бунга Америка савдо тармоғи ўзининг даромади кескин ошгани ҳамда охирги чоракда онлайн сотувлар ҳажмининг 50% га ортиши кузатилгани ҳақида берган маълумоти сабаб бўлди. Wal-Mart акциялари савдонинг дастлабки уч соати ичида 3 фоизга кўтарилиб кетди.
Технологиялар ва инновациялар компаниянинг ҳисоботида асосий мавзулар бўлиб хизмат қилди. «Биз интернет-буюртмаларни тақдим этувчи пунктларимиз сонини оширдик. Mobile Express Returns сервисини ишга туширдик ва автоматик тақдим этувчи пунктларни синовдан ўтказмоқдамиз. Шунингдек, дўконларимиздаги айрим стандарт функцияларни автоматлаштиришга ҳаракат қилмоқдамиз», — деди Wal-Mart президенти ва бош ижрочи директори Даг Макмиллон.
Изоҳ (0)