Оқ уй Шимолий Кореянинг Америка ҳудудига уюштириш мумкин бўлган эҳтимолий ракета ҳужумига қарши иккита экспериментал стратегияни ишлаб чиқди. Бу ҳақда, The New York Times’га таяниб, «Корреспондент.net» хабар берди.
Улардан биринчиси КХДРнинг баллистик ракеталарини ишга тушириш тизимларига кибер-ҳужумлар ҳамда учиришнинг олдини олучи «саботажнинг бошқа усулларини» ташкиллаштиришни назарда тутади.
Иккинчи стратегия эса ракеталар «тезланиш фазаси»дан ўтаётганида уларни бевосита уриб туширишни таклиф этади.
Учирилган баллистик ракеталар анча сезиларли ва осон нишонга айланади. Уларни уриб тушириш учун АҚШ ҳукумати қирувчи самолётлар ҳамда учувчисиз бошқариладиган қурилмаларни таклиф этмоқда.
Бироқ улар ўз олдига қўйилган вазифани уддалай олмаса, сўнгги умид — тўхтатувчи-ракеталар бўлади, холос. Хабар беришларича, Оқ уй ушбу стратегияларини амалга ошириш учун Конгрессдан 4 миллиард доллар ажратишни сўради.
Изоҳ (0)