Tesla автомобилсозлик компанияси элеткр двигатель ёрдамида ҳаракатга келтириладиган юк машинасининг илк моделини тақдим этди, дея хабар бермоқда Meduza. Модель Tesla Semi номини олди (Semi инглиз тилида «ярим тиркама» деган маънони англатади).
Юк машинаси бир марта тўлиқ қувватлантирилгач, 800 километргача йўл боса олади. Атиги ярим соат қувватлантирилганидан сўнг эса яна 650 километрга яқин масофани босиб ўтиши мумкин. Semi тўлиқ юк ортилган ҳолатда (унга 36 тоннагача юк ортиш мумкин) 20 сония ичида соатига 100 километрлик тезликка эриша олади.
https://t.co/oyC84N3vRy pic.twitter.com/4GjA0SRr8n
— Tesla (@Tesla) November 17, 2017
Анъанавий юк машиналаридан фарқли ўлароқ, Tesla Semi’нинг ҳайдовчи ўриндиғи кабина ўртасида жойлашган. Юк машинаси автопилот тизими билан таъминланган бўлиб, у ҳайдовчи иштирокисиз ҳаракатланиш бўлаги бўйлаб юриши, бўлакка қайта тизилиши ва катта йўлдан четга чиқиши мумкин.
View from the cockpit pic.twitter.com/2kBupEXNM5
— Tesla (@Tesla) November 17, 2017
Tesla Semi’ни ишлаб чиқариш 2019 йилдан бошланиши кутилмоқда. Янги юк машинасининг нархи борасида ҳозирча аниқ маълумотлар йўқ.
Юк машинасининг тақдимотидан сўнг Tesla асосчиси Илон Маск компаниянинг янги енгил машинаси — Tesla Roadster’ни намойиш этди. Ушбу тўлиқ узатмали спорт автомобилининг шаффоф томи йиғилади.
https://t.co/0rBaJNQrum pic.twitter.com/pyoDmOj4XC
— Tesla (@Tesla) November 17, 2017
Машина 1,9 сония ичида соатига 100 километрлик тезликка эришади, энг юқори тезлиги эса соатига 400 километрни ташкил этади. Роадстер бир марта тўлиқ қувватлантирилганидан сўнг минг километргача йўл боса олади.
Роадстерънинг сотуви 2020 йилда бошланиши кутилмоқда, моделнинг энг арзон модификацияси нархи 200 минг доллардан бошланади.
Tesla ҳозирги вақтда учта енгил машина ишлаб чиқармоқда. Булар — Model S хэтчбеки, Model 3 седани ва Model X кроссовери. Компания ўз автомобилларини тезкор қувватлантириш учун Supercharger номли ўз станциялари тармоғини ҳам ташкил этган бўлиб, ҳозирда бундай шохобчалар сони жаҳон бўйича 7 мингдан зиёд.
Изоҳ (0)