Hyperloop One’нинг собиқ техник директори Броган Бэмброган томонидан асос солинган Аrrivо стартапи соатига 320 километр тезликда ҳаракатланиш мумкин бўлган шоссе концептини тақдим этди. Шунингдек, компания бу каби йўлни биринчи бор Колорадо штатида яратиш режаси ҳақида ҳам бўлишди. Бу ҳақда The Verge’га таяниб, «Мотор» хабар берди.
Аrrivо томонидан тақдим этилган лойиҳа енгил автомобиллар ва юкларни ташишга мўлжалланган махсус платформаларни ўз ичига олади. Шунингдек, уларнинг базасида йўловчилар ташувчи модулларни ҳам қуриш мумкин. Улар шоссе бўйлаб магнит левитация ёрдамида ҳаракатланади.
Юқори тезликда ҳаракатланишга мўлжалланган шоссенинг тажриба нусхаси 2019 йилда Денверда (Колорадо штати) қуриш режалаштирилган. 2021 йилга бориб эса ундан тижорий мақсадларда фойдаланиш мумкин бўлади. Ҳозирда 55 дақиқани ташкил қилувчи икки сўнгги нуқта орасидаги масофа тўққиз дақиқада босиб ўтилади.
Бэмброган Аrrivo’га Hyperloop One’дан кетгач асос солган. Кейинроқ у компанияга нисбатан даъво аризасини илгари сурган, Бэмброган топ-менежерларни талон-тарожда, ўз вазифасини суиистеъмол қилишда ва ўз номига таҳдидлар уюштиришда айблаган.
Изоҳ (0)