17 ноябрнинг эътиборга молик янгиликлари — «Дарё»нинг кечки дайжестида.
1. Шавкат Мирзиёев 22–25 ноябрь кунлари Жанубий Кореяда давлат ташрифи билан бўлади. Ташриф Жанубий Корея президенти таклифига кўра амалга оширилмоқда.
2. Шавкат Мирзиёев Сергели туманида қурилган янги уйларни бориб кўрди. У янги массивдаги мактаб, боғча, поликлиника, ички ишлар идораси, сузиш ҳавзаси ва бошқа жойларни ҳам кўздан кечирди.
3. Ўзбекистон ички ишлар вазири: Тўрт ёшли қизчасини аёвсиз калтаклаган бу одам шундай қусурлари учун ишдан ҳайдалган. 4 яшар қизини калтаклаб, буни видеога олган шахс оталик ҳуқуқидан маҳрум этилган.
4. 2018 йилдан олий таълим муассасаларига тест синовлари 1 августдан 15 августгача ўтказилади. Ўзбекистонда маданият, санъат ва спорт соҳасидаги олий таълим йўналишларига қабул тест синовларисиз амалга оширилади.
5. 18 ноябрь куни Тошкент узра ҳарбий вертолётларда Ўзбекистон байроғи олиб ўтилади. Эслатиб ўтамиз, 18 ноябрь — Ўзбекистон Давлат байроғи қабул қилинган кун.
Изоҳ (0)