2017 йил 15 ноябрда жаноб Торстен Базел бошчилигидаги Landesbank Baden-Württemberg (LBBW) ва «Ипак Йўли» акциядорлик инновация тижорат банки вакиллари ўртасида бўлиб ўтган музокаралар натижасида томонлар 5 миллион АҚШ доллари миқдоридаги савдони молиялаштириш линиясини очиш тўғрисида икки томонлама чегараланган битим тузишга келишиб олди.
Ушбу линия асосан ишлаб-чиқариш корхоналарининг Европа мамлакатларидан технологик асбоб-ускуналар ва хом ашёни харид қилиш учун ташқи савдо битимларини молиялаштиришга йўналтиради.
Бундан ташқари, Landesbank Baden-Württemberg ва «Ипак Йўли» банки корхоналарнинг инвестиция лойиҳаларини 5 йил ва ундан ортиқ муддатга лойиҳали молиялаштириш соҳасида фаол ҳамкорлик қилиш тўғрисида ўзаро келишиб олди.
Landesbank Baden-Württemberg Германиядаги энг йирик банкларнинг бешталигига кириб, йирик корпоратив ва хусусий мижозларга хизматларини тақдим этади, халқаро капитал бозорининг фаол қатнашчиси, шунингдек, тижорат кўчмас мулкини молиялаш, классик, тизимли молиялаш, балансдан ташқари инструментларни молиялаш билан шуғулланади.
Шунингдек, томонлар Ўзбекистон бозорида ҳамкорликда тақдим этилаётган хизматлар кўламини интенсив равишда ошириб боришга келишиб олдилар.
Реклама ҳуқуқи асосида
Изоҳ (0)