Ўзбекистон Мудофаа вазирлигига қарашли вертолётлар 18 ноябрь куни Тошкент узра мамлакат Давлат байроғини олиб ўтиши режалаштирилган. Вазирлик матбуот хизмати хабарига кўра, ушбу акция Ўзбекистон Давлат байроғи қабул қилинган кун — 18 ноябрь муносабати билан ўтказилади.
Бундан ташқари, Давлат байроғи Тошкент кўчалари бўйлаб, Амир Темур хиёбони — Амир Темур кўчаси — Тошкент телеминораси — Ҳайвонот боғи — Марказий ҳарбий клиник госпитали — Академиклар шаҳарчаси — Мирзо Улуғбек кўчаси — Паркент кўчаси — Тузел қўрғони йўналиши бўйича ҳам олиб ўтилади.
Изоҳ (0)