Ўзбекистон Республикаси Бош прокуратураси қошидаги мажбурий ижро бюроси янги мусодара қилинган кўчмас мулк ва автомобилларни онлайн кимошди савдосига қўйди, деб хабар беради UzNews.
Савдога қўйилган лотлар орасида бошланғич баҳоси 88 миллион сўм бўлган Captiva, 25 миллион сўмлик Cobalt ва Spark, шунингдек 66 миллион сўмлик Malibu автомобиллари бор.
Бундан ташқари, савдога бир нечта кўчмас мулклар ҳам қўйилган. Хусусан, Фарғона вилоятидаги бошланғич нархи 250 миллион сўм бўлган супермаркет, 3,66 миллиард сўмга баҳоланган Тошкентдаги Lada автосалони, 519 миллион сўмга баҳоланган Самарқанддаги дўкон ҳамда 214,5 миллион сўмга баҳоланган Фарғона вилоятидаги кўчмас мулк биноси шулар жумласидан.
Бугунга қадар кимошди савдоларига 600 га яқин лотлар қўйилган, улардан 63 фоизи сотилган.
Изоҳ (0)