ШҲТ бош котиби Рашид Алимов Ўзбекистон ташқи ишлар вазири Абдулазиз Комиловни 70 ёшга тўлгани муносабати билан табриклади. Бу ҳақда ШҲТ котибиятига таяниб, UZ24 хабар берди.
«Сиз билан салкам чорак аср олдин, Ўзбекистон энди мустақил бўлган бошқа давлатлар каби жаҳон майдонларида ўзининг мустақил қадамларини қўя бошлаганида танишиш бахтига мушарраф бўлганман. Сиз мамлакатингиз ташқи сиёсатини шакллантириш арафасида турар эдингиз, сиз Марказий Осиё ва унинг ташқарисидаги минтақалар хавфсизлигини ҳамда барқарорлигини таъминлаш, тинчликни мустаҳкамлаш йўлида ўзингизнинг салмоқли ҳиссангизни қўшдингиз», — дейилади мактубда.
Алимовнинг таъкидлашича, Абдулазиз Комилов шахсида «жаҳон дипломатияси юксак инсоний маданиятга, энциклопедик билимга, миллий манфаатларни ҳимоя қилиш ва тарғиб этишда шерикларга нисбатан ҳурмат билан муносабатда бўлиш каби фазилатларга эга бўлди».
ШҲТ бош котиби Комиловнинг Шанхай ҳамкорлик ташкилоти фаолиятига нисбатан бўлган доимий ва диққатли муносабатига чуқур миннатдорчилик билдирди ва унга «мустаҳкам соғлик, бахт, битмас-туганмас куч ҳамда фаровон ҳаёт» тилаб қолди.
Изоҳ (0)