АҚШнинг Вашингтон шаҳрида бўлиб ўтган ҳисоблаш технологиялари келажаги масалаларига оид конференцияда IBM компанияси 50 кубитли квант компьютери устида иш олиб борилаётганини маълум қилди. Бу бугунги кунгача яратилган энг йирик ва кучли квант компьютери ҳисобланади, деб ёзмоқда «Hi-tech Mail.ru».
Мазкур компьютер билан бир қаторда, IBM 20 кубитли квант ҳисоблаш тизимини ҳам тақдим этди.
IBM муҳандислари иккала тизим учун ҳам 90 микросония давомида квантлли ҳолатни сақлашга муваффақ бўлган. Бу кичик кўринса ҳам, кубитлар ҳаётини сақлаб қолиш қийин бўлган соҳада мазкур кўрсаткич рекорд ҳисобланади.
50 кубитли машина фавқулодда мураккаб ҳисоблаш топшириқларини бажариши мумкин, бироқ барча замонавий квант компьютерлари каби IBM’нинг 50 ва 20 кубитли тизимлари аввалгидек юқори даражадаги махсус иш шароитларини талаб қилади. IBM янги машинанинг барча тафсилотларини ошкор қилмаган.
Изоҳ (0)