Германиянинг Deutsche Bahn компанияси Idea Train номли поезд концептини намойиш этди. Поезд келажакда ҳайдовчисиз автомобиллар ўрнини эгаллаши кўзда тутилган, деб ёзмоқда TJournal.
Икки қаватли вагонлар бир нечта мақсадга мўлжалланган. Баъзиларида тренажёрлар ва югуриш йўлакчалари, бошқаларида эса ўриндиқ ва кенг форматли телевизорга айланувчи ўйин қурилмалари ўрнатилган. Шунингдек, ухлаш ёки бизнес учрашувлари учун шовқиндан ҳимояланган ва столларига планшетлар ўрнатилган алоҳида бўлинмалар ҳам кўзда тутилган.
Deutsche Bahn’нинг режаларига кўра, қулай поездлар келажакда ҳайдовчисиз автомобиллар билан рақобатга киришиши мумкин. Муаллифларнинг фикрича, ҳайдовчисиз автомобиллар йўловчиларга бошқа ишлар билан шуғулланишга имкон беради, шунинг учун улар йўловчиларни юқори даражадаги қулайликка жалб қилишни хоҳламоқда.
2019 йилда Idea Train хавфсизлик бўйича синовдан ўтади ва Мюнхен ҳамда Бавариядаги Зимбах-ам-Инн ўртасида ҳаракатни бошлаши мумкин.
Изоҳ (0)