БААнинг Дубай шаҳрида бўлиб ўтаётган автосалонда бир қатор ҳашамдор автомобиллар намойиш этилмоқда. Autonews шоуда тақдим этилаётган автомобиллардан иборат жамланма тайёрлади.
Chevrolet Corvette ZR1
Энг юқори тезлиги соатига 340 километр бўлган уловнинг қуввати 750 от кучига тенг. Уч сониядан камроқ вақтда 100 км/соат тезликка эришадиган автомобиль 2018 йилнинг баҳоридан 120 минг доллардан қимматроқ нархда сотувга чиқарилади.
Infiniti QX80
Жорий йилнинг охиригача савдога чиқиши кутилаётган йўлтанламаснинг қуввати 405 от кучига тенг.
Devel Sixteen
Автомобиль яратувчиларининг сўзларига кўра, улар дунёдаги энг кучли автомобилни яратмоқда, униг қуввати 5000 от кучига тенг. Намойиш этилган машинанинг узунлиги 5,3 метр, оғирлиги 2,3 тоннани ташкил қилади. Улов 16 цилиндрли ва 12,3 литр сиғимли двигатель билан жиҳозланган.
W Motors Fenyr SuperSport
Энг юқори тезлиги соатига 400 километр бўлган машина биринчи 100 километрли тезликка 2,7 сонияда эришади.
Dodge Challenger Hellcat Widebody
Қуввати 707 от кучига тенг улов тўрт сониядан камроқ вақтда 100 км/соат тезлкка эришади.
Jaguar XE SV Project 8
Энг тезкор Jaguar ҳисобланаётган автомобилнинг қуввати 600 от кучига тенг. 100 км/соат тезликка 3,7 сонияда эришадиган автоуловнинг энг юқори тезлиги соатига 322 километрни ташкил қилади.
Ford Mustang
Смартфон ёрдамида бошқариш функцияси ва хавфсизликнинг радар тизими тўплами билан жиҳозланган автомобиль 10 та даражали автомат тезлик узатиш қутисига эга.
Изоҳ (0)